深圳搵食之旅

 深圳的美食介紹/好去處相信大家在YOUTUBE太易搵到, 唔使靠小弟的皮毛資訊! 不過如果要性價比及去伏資訊, 我應該可以幫到大家😂!

今年第二次上深圳, 適逢拜山祭祖之日, 當天是4月1日, 當天天氣預報會有雨, 慶幸陰天冇雨! 

早上一早去準備祭祖物品, 經過了一家賣腸粉店叫"云髻山肠粉", 本身已經好想食腸粉, 加上那家小店很好生意, 相信質素應該不錯.

圖一: 云髻山肠粉(新秀总店), 店舖情況, 這家是外賣店, 不設堂食, 大家可以買走或在路邊食!
大眾點評 (評分6.5): http://www.dianping.com/shop/Ga6qzBbPrCL5MSGN/dish199355163 

圖二: 叫咗個蛋腸(6蚊人民幣/份),  附送一包醬汁(以為係味精, 但食落唔口乾), 加咗落去味道不錯! 腸粉本身都好滑溜, 米味同蛋香味都有, 唔似香港食的較粗糙同冇咩蛋香味!

總結: 云髻山肠粉(新秀总店)都算不錯, 個人覺得值7分, 值得一試!

午餐去咗皇庭廣場, 試食湘菜辣可可, 以小炒黃牛肉出名! 

圖三: 店舖門面有師傅切牛肉, 這樣餐廳可以給客人一場表演SHOW, 又可以證明是新鮮牛肉, 門外也有人在拍照及到社交平台, 餐廳成套的MARKETING都不錯!

 

圖四: 炒黃牛味道十分不錯, 入口牛味濃郁, 陣陣辣味令你想配口飯, 而且白飯係任裝!

  

圖五: 本身冇影到, 引用大眾點評. 

特別想講係個白飯, 大家唔好似為白飯任裝係渣流灘, 佢D飯粒粒分明, 水份控制得非常到位! 其實香港4,5星酒店中菜廳都未必有呢個質素!

圖六: 圖上面係抄豬紅, 都幾滑身, 圖下為抄絲瓜, 非常甜美可口!

總結: 三人消費平均每人70左右, 性價比非常高!

晚餐到了海岸城食, 試了小吊梨汤, 本身也想食小炳勝, 但更想試D本身未食過的菜式.

圖七: 本MENU都整得幾有古代FEEL, 質感不錯!

圖八: 蒲公英炒豆干, 幾特別的菜, 味道幾好, 帶小小酸味, 很輕微的苦不過個人接受到而且覺得不錯!

圖九: 差不多每枱必叫的招牌菜係"梨球果仁蝦", 非常香口及香脆, 炸梨球都很特別, 感覺清新少了油膩感!

圖十: 呢個酥香脱骨雞不得了, 本身醃製好入味之餘, 雞皮都香帶一點脆, 肉質都很嫩滑. 十分推薦! 

圖十一: 豌豆黄是以豌豆為原料製作的點心, 味道較淡, 這味可以不點, 因為食唔出咁味道😂

總結: 三人消費平均每人90左右, 小吊梨湯也算是近期較啱口味的中菜餐廳, 而且性價比非常高!

今次上深圳收穫豐富, 冇咩中伏位, 因為COVID留港消費了足足三年, 都見證了很多餐廳做不住, 有些餐廳在COVID時質素提升了不少 (可能冇遊客, 加上客人少), 不過最近隨著訂位多咗, 質素當然大不如前, 老實講價錢真係深圳的兩三倍以上, 所以開關後都會較多北上消費! 

2023年4月2日