Posts

深圳搵食之旅

Image
 深圳的美食介紹/好去處相信大家在YOUTUBE太易搵到, 唔使靠小弟的皮毛資訊! 不過如果要性價比及去伏資訊, 我應該可以幫到大家😂! 今年第二次上深圳, 適逢拜山祭祖之日, 當天是4月1日, 當天天氣預報會有雨, 慶幸陰天冇雨!  早上一早去準備祭祖物品, 經過了一家賣腸粉店叫"云髻山肠粉", 本身已經好想食腸粉, 加上那家小店很好生意, 相信質素應該不錯. 圖一: 云髻山肠粉(新秀总店), 店舖情況, 這家是外賣店, 不設堂食, 大家可以買走或在路邊食! 大眾點評 (評分6.5):  http://www.dianping.com/shop/Ga6qzBbPrCL5MSGN/dish199355163   圖二: 叫咗個蛋腸(6蚊人民幣/份),  附送一包醬汁(以為係味精, 但食落唔口乾), 加咗落去味道不錯! 腸粉本身都好滑溜, 米味同蛋香味都有, 唔似香港食的較粗糙同冇咩蛋香味! 總結: 云髻山肠粉(新秀总店)都算不錯, 個人覺得值7分, 值得一試! 午餐去咗皇庭廣場, 試食湘菜辣可可, 以小炒黃牛肉出名!  圖三: 店舖門面有師傅切牛肉, 這樣餐廳可以給客人一場表演SHOW, 又可以證明是新鮮牛肉, 門外也有人在拍照及到社交平台, 餐廳成套的MARKETING都不錯!   圖四: 炒黃牛味道十分不錯, 入口牛味濃郁, 陣陣辣味令你想配口飯, 而且白飯係任裝!    圖五: 本身冇影到, 引用大眾點評.  特別想講係個白飯, 大家唔好似為白飯任裝係渣流灘, 佢D飯粒粒分明, 水份控制得非常到位! 其實香港4,5星酒店中菜廳都未必有呢個質素! 圖六: 圖上面係抄豬紅, 都幾滑身, 圖下為抄絲瓜, 非常甜美可口! 總結: 三人消費平均每人70左右, 性價比非常高! 晚餐到了海岸城食, 試了小吊梨汤, 本身也想食小炳勝, 但更想試D本身未食過的菜式. 圖七: 本MENU都整得幾有古代FEEL, 質感不錯! 圖八: 蒲公英炒豆干, 幾特別的菜, 味道幾好, 帶小小酸味, 很輕微的苦不過個人接受到而且覺得不錯! 圖九: 差不多每枱必叫的招牌菜係"梨球果仁蝦", 非常香口及香脆, 炸梨球都很特別, 感覺清新少了油膩感! 圖十: 呢個酥香脱骨雞不得了,...
Post a Comment
Read more

SVB事件對2023年股市的啟示!

Image
 經歷過08年金融海嘯後, 大家都知如果有大型銀行倒閉對經濟及股市會有幾大影響! 小弟不是經濟學家, 但MPF, 港股及美股唔多唔少都關大家事!  還記後08年金融海嘯後期間, S&P及恆指都跌了約45%, 當時雷曼兄弟由於涉及6130億美元的負債, 是相當誇張的金額! 對比今次SVB (蝕了18億美元 + 在24小時內被客戶提取逾420億美元導致閃電式出現資金缺口而要倒閉 ) 不能相題並論! 但加息令小型銀行經營困難的確要關注的!  在2022年股市都跌足一年, 今年一月叫做好返少少, 二月及三月中(今天3月15日)都係回調中, 我認為就算SVB事件不能跟相年雷曼兄弟, 但有以下幾點也要關注: 1. 對投資市場(最少未來3個月)情緒的影響? 估計資金流入股市唔會太多及太快! 2. 加息步伐如果繼續肯定會多幾間SVB規模的銀行出事!  3. 突然停止加息會令市場更加恐慌, 會唔會大穫嘢發生在後面? 4. 減息就應該經濟出現硬著陸, 之後3-5年都唔會有得升! 總結, 股市可能會係一個大型的上落市, 甚至係慢慢的跌市會出現! 2023年3月15日
Post a Comment
Read more

COVID後初遊澳門

Image
 COVID中好羨慕外國人, 尤其日本人, 可能自己鐘意日本, 因為佢地可以本地遊, 假設係大阪人, 放假去下京都/東京/神戶一轉都幾爽! 回想起最近的內地/澳門都封咗關近三年, 這個COVID令我體會到 "這麼近, 那麼遠"的金句! 對上去澳門都已經係2019年的事, 當時初搭澳門金巴, 諗住睇下港豬澳 (港珠澳)有幾架勢, 住新開的澳門巴黎人, 房間不錯! 仲食咗餐葡國菜! 圖一: 於2019年11月影的, 同2023年冇分別, 所以冇特別影到! 圖二: 2019年11月入住澳門巴黎人, 有健身室的確唔錯, 食得太飽可以做下運動幫助消化! 圖三: 當時(2019年11月)試過氹仔呢間叫"Portugália 葡多利正宗葡國菜", 都十分推介, 有興趣朋友可以睇佢地 官網 . 今次(2023年2月)去冇咩特別, 因為係即興的關係,  因為大型酒店的價錢太貴 (2千蚊港幣起), 所以揀咗間較平的維景酒店, 800蚊港幣一晚(星期六晚), 唔包早餐都叫OK. 今次主打去食 葡國菜及搵下街頭小食. 圖四: 2023年澳門第一餐係Tapas de Portugal BY Antonio, 呢間比我感覺都幾有格調,  值得一讚係烤乳豬卜卜脆, 配薯條及沙律, 配埋杯Sangria真係無得輸!  圖五: 第二餐食個串燒, 叫旺旺燒烤, 呢間係100%中伏! 超咸, 茄子個底可以全黑, 唔知佢點燒, 肉質太乾! 送個軟雪糕味道奇怪同好硬身! 圖六: 好奇點解澳門咁多人排隊買牛雜食, 都唔執輸試下先, 試咗榮記牛雜, 以上100 MOP (大約97港元), 真係幾好味! 入味同夠啉身! 圖七: 最後一餐都係要食葡國菜, 揀咗澳葡之家, 呢間個焗鴨飯唔錯, 馬介休又不過不失! 唯獨焗豬排飯有鴨油味就好似怪怪地! 整體都算尚可! 可以睇佢地 FACEBOOK PAGE . 更新時間: 2023-03-03 有興趣可以睇下以下KLOOK搵心水澳門酒店/交通/美食優惠!   Klook.com Klook.com
Post a Comment
Read more

初玩ChatGPT (香港朋友要用VPN及外國手機號碼)

Image
小弟向來打工都不求上進, 但作為IT人, 點都要了解有咩新嘢可以方便做嘢! (實情係想繼續學懶!😂) 最近全城熱話ChatGPT, 可能香港未係好HIT(因為支正式支援香港地區), 不過外國, YOUTUBER已經不停講! 除了佢個AI好人性化及寫作能力甚至好過大部份人類外, 市場預計不久的將來ChatGPT可以取代部份白領工作, 這點值得大家關注! 可能要諗下學下一技之長, 唔係遲下冇嘢做啦! 今日2023年3月1日, 等我試下注冊一個戶口比大家睇睇啦!  ChatGPT 申請網址: https://platform.openai.com/signup/   首先試下正常去申請先: 圖一: 意料之中, 顯示不支援香港! 2. 由於ChatGPT唔支援香港, 要注冊的話, 大家需要連接外國的VPN及外國手機號碼 (睇下有冇外國朋友可以幫收收個SMS做驗證)! 朋友們可以用NORDVPN, 因為佢個CP值最高, 推薦朋友會享有三個月免費, 有興趣朋友可以用呢條LINK去申請一個 (利申: 經我介紹的話大家都會有三個月免費回饋):  https://ref.nordvpn.com/nkWPvzthQwK 圖二: 連接了VPN後就可以進入申請版面, 可以用你的電郵 / Google / Microsoft 帳號. 圖三: 然後會收到EMAIL, 直接按入去驗證電郵電址 圖四: 死唔信香港唔得, 真係唔得! 圖四: 搵咗加拿大朋友幫手拎個手機號碼去驗證 圖五: 進入ChatGPT時會有少少簡介Preview 圖六: 正式使用啦, 不過暫時未知咩原因WINDOWS電腦上用CHROME有ERROR!  會再同大家跟進一下! 但用手機版本用CHROME是正常運作! 第一條問題當然問佢點可以在香港搵多D錢啦 (How to make more money in Hong Kong?), 雖然個答案都係行貨, 但真係有文有路! 嚟緊我應該會問下佢多D關於工作上的問題, 生活日常, 旅行等問題!  更新: 2023-03-03
Post a Comment
Read more

做唔做都三十六正式成立!

小弟還有兩年就40歲, 冇諗過中年先開個BLOG嚟寫, 講起嚟都有D醜😂! Blog為何叫 "做唔做都36"?  作為一個普通打工仔當然希望做唔做都36, 月月準時出糧, 有假放可以去食玩買! 經歷3年疫情 (COVID19), 會覺得所有嘢都唔係必然, 記得上次去旅行已經是2019年8月, 今天是2023年2月27日, 也是這個 Blog成立的日子! 小弟現在係一名IT狗, 早年試過搞網店創業, 又試過買下港股諗住賺下錢 (已中伏, 港股已死!) 而家唯有坐住小小美股希望可以收復一下之前港股的損失! 香港寸金尺土, 樣樣都貴, 靠打工發逹自問冇咩可能, 只能活在當下, 搵CP值高的東西當賺咗😂! 希望透過小弟對美食/旅遊/生活的小小興趣可以跟大家一同研究及搵更多CP值高的東西! Will 27-Feb-2023
Post a Comment
Read more